دلومړي کالاجراأتو دامتحاني دورې لپاره د ائتلاف مشرتابه شورا
۱- د مشرتابه شورا او اداري کارکوونکو کاري موده یو کال ده.
٢- د ائتلاف رهبري شورا کولى شي د شورا د رايو د اکثريت په ترلاسه کولو سره د ايتلاف اداري چارو طرزالعمل کې د سمون په مخه بدلون راولي.
۳- د ائتلاف په اهدافو او اساسی اصولو کې د هر ډول بدلون او تعدیل وړاندیز د رهبری شورا د اکثریت رایو سربېره د ائتلاف د غړو اکثریت رایو ته اړتیا لری.
۴- د رهبري شورا د غړو شمېر له دوو ډلو جوړ دي:
لومړۍ ډله د بنسټونو او مدني سیاسي سازمانونو له استازو څخه جوړه ده، چې شمېر یې د شورا د ټولو غړو له ٪۵۰ څخه تر ۷۰٪ پورې دی.
دویمه ډله د خپلواکو نوماندانو څخه جوړه ده چې دوی د منل شویو معیارونو پر بنسټ، د خپلو مسلکي وړتیاوو له امله ټاکل(انتخاب)کېږي.
د مشرتابه شورا دغړيتوب لپاره لاندې معيارونه شرط ندي، يوازې وړانديز او تجويزي بڼه لري.
د مشرتابه شورا د غړو د ټاکلو معیارونه او وړتیاوې په لاندې ډول دي:
۱- د معمول رسم او معیارونو سره سم د افغانستان په ملي، سیاسي او مدني مسایلو کې د چارو د تنظیمولو ظرفیت، مسلکي پوهه، وړتیا او ښه شهرت.
۲- لږ ترلږه په یوه ملي ژبه پوره تسلط او د لیکلو او کارولو په برخه کې وړتیا. همدارنګه پر یوې نړیوالې ژبې پوره واکمني.
3- د کمپیوټر او عام ډیجیټل ټیکنالوژۍ دکارولو وړتیا.
4- د نړیوالو غیر دولتي سازمانونو سره د اړیکو په شمول په ټولنیزو اړیکو کې وړتیا یا تجربه
۱- موخې - رهبري شورا دنده لري چې د ائتلاف د موخو د تحقق لپاره پلان جوړ کړي او د ائتلاف له تګلارې سره سم د اغېزمنو لارو چارو په کارولو سره اقدام وکړي.
۲- ماموریت/مسؤولیتونه-
● رهبري شورا د ائتلاف د عمومي غونډې(مجمع) د دوو ناستو تر منځ موده کې د ټولو چارو مسووله ده او عمومي مجمع ته ځواب ورکوونکې ده.
● د شورا د غونډو، کنفرانسونو او د ائتلاف د عمومي غونډې د اجنډا دطرحې جوړول
● د کنفرانس د پرېکړوعملي پلان جوړونه او دهغه تطبیق.
۳- غړیتوب – د رهبري شورا د غړو شمېر کېدای شي د غړو بنسټونود استازو او خپلواکو شخصیتونو په ګډون د ۱۱ او ۱۹ کسانو ترمنځ وي.
۴- غونډې - د مشرتابه شورا په هرو دوو میاشتو کې یو ځل غونډه کوي، او که اړتیا وي، له یو ځل څخه زیات هم غونډه کولی شي.
ځانګړې غونډې د شورا د رئیس، یا د هغه د مرستیالانو، د اړتيا په صورت کې د غړو د دریمې برخې په غوښتنه ترسره کېدی شي.
۵- د کار موده - د شورا د فعالیت موده یو کال ده. که د ائتلاف د عمومي غونډې له خوا تصویب شي، دا موده به وغځول شي.
۶- اجرائيه بورډ
● رئیس - د ائتلاف په مؤسس کانفرانس او عمومي غونډه کې دائتلاف غړو د رايې په اکثريت سره ټاکل کیږي.
● مرستیالان او منشي - د کانديدانو په منځ کې د ائتلاف رئيس لخوا غوره او د تائید لپاره د مشرتابه شورا ته وړاندې کیږي.
● د رئیس او مرستیالانو د دندو لايحه په جلا طرزالعمل کې تنظیمیږي.
● د منشي دنده دا ده چې د شورا د غونډو پلان جوړ کړي، د غونډو اجنډا او راپورونه چمتو کړي او د ائتلاف دغړو نومونه ثبت کړي
۷- نصاب - د شورا د غونډو نصاب د ۵۰ + 1٪ ساده اکثریت دی.
8- تصمیم نیول – تصمیمونه په غونډه کی د حاضرو غړو د ۲/۳ په رايو سره نیول کیږی.
۹- مېلمانه : د شورا رئيس کولای شي د شورا د پرېکړې له مخې مېلمه (نو) ته په غونډه کې د ګډون بلنه ورکړي.
۱۰- ځواب ورکونه - شورا د ائتلاف کلنۍ عمومي غونډې ته ځواب ورکوونکې ده.
۱- افتتاحیه ـ دقران کريم تلاوت: دکتورفخرالنسافیضانی
۲- هدفمن ائتلاف- لنډ راپور پروفیسور ستانیزی
۳- الف - د هدفمن ائتلاف د اساسي اصولو توضیح
ب - دمشرتابه شورا د غريتوب لپاره د معيارونو توضيح
دکتور نوراحمد خالدی
۴- الف - د رهبري شورا لپاره د کاندیدانو د نومونو لوستل
ب - د رهبري شورا د کانديدانو لپاره رایه اخیستنه
دکتور منیر احمد
۵- الف - د رهبري شورا د طرزالعمل مسودې توضیح
ب ـ د شورا د رياست پست لپاره د کاندیدانو د نومونو لوستل.
ج - د ائتلاف رئيس د ټاکلو لپاره له برخوالو رایه اخیستنه.
ښاغلی همایون تاچ
۶- اختتامیه - دائتلاف د موجوديت اعلان
پروفیسور زمان ستانیزی